Saturday, November 26, 2005

رايكم شباب :)

عندي فكرة
يمكن بعضكم يقول انها غبية وبعضكم راح يقول سخيفة وبعضكم راح يقول قدييييييمة وفي ناس راح يقولون اني مينونة وفي ناس ماراح يمرون على بلوجي بعد هالبوست وفي ناس راح يقولون عني ياهل وفي ناس راح تعجبهم الفكرة, بس الاهم من هذا كله انكم راح تقولون رايكم بصراحة.

الفكرة:
1
راح اكتب بداية قصة يعني خل نقول صفحة
2
انشرها بالبلوج
3
تعطوني بداية الخيط عشان اكمل الصفحة الثانية كل واحد على حسب رايه يعني مثلا القصة تتكلم عن واحد يواجه مشكلة معينة في حياته كل واحد منكم يقولي شنو حل هالمشكلة حسب رايه وانا من عندي اكمل السيناريو والحوار. او مثلا شخص جدامه اكثر من اختيار, كل واحد منكم يختار واحد من هالاختيارات وعلى هالاساس انا اكمل احداث القصة.
------------------------------------------------------------------------------------------------


الحين اللي يبي يقول رايه بالموضوع يقول وبكل صراحة سواء كانت عاجبته الفكرة او لأ واذا لقيت ان الاغلبية موعاجبتهم الفكرة ماراح اسويها واعتبروا هالبوست كأنه لم يكن :)
وشكرا

16 comments:

متفرغ said...

اللي فهمته انج بتكتبين قصة و تبينا نقول شاللي بيصير يعطي نعطي راينا باللي يصير و بالقصة؟ الصراحة الفكرة حلوة :)

الاء سعود المجيبل said...

والله فكرة حلوه حبيبتي...:)

وايد اعجبتني...

يلا سويها وانا راح اكمل معاج برايي...:)


يعطيج العافيه..:)

طائر بلا وطن said...

افكار من هذه النوعية تبقى دائما رائعة و لا يمكن بأي حال من الأحوال نعتها بالسخف مهما كانت بسيطة

أنا شخصيا أشجعك .. و لك مني وعد بالمشاركة .. يكفي انها تجعل المشاركين يتفكرون و يتخيلون .. أوليس هذا رائع؟

دمت سباقة و متجددة

سلام:)

Anonymous said...

شفتyour comment
في بلوق ربى الدبا تقولين انك مافهمتي كلامها
والله انا سعودي مثلها ومافهمت بعد ما ما ادري
بعض الناس من وين يجيبون الكلام

nice blog by the way and no
you are not majnnonah :)

kazmawy said...

توكلى على الله ..بس لا تخلينها مفتوحة على طول
عشرة ايام او اسبوعين وخلى البطل يموت وتخلص القصة :)

ii said...

لا تقولين هالكلام!!
لا تصيرين متردده سوي الشي وانتي واثقه

وانا اعرفك زين راح تبدعين

انا بشارك معك بس لا تطولين علينا

وانتي تكتبين لا تفكرين بردود الناس او ردة فعلهم اكتبي اللي انتي تبين تكتبينه وبس
وذكري ان الواحد ما ينجح من اول مره

مره ومرتين وثلاث .. بس لا تتحطمين صدقيني السالفه سالفة ثقه


يعني فجر السعيد على قولة نوف واثقه لحد الموت بنفسها وهي خرطي مع احترامي الشديد لكم
انتم بس


:))
انتظر

mashi_97 said...

توكلي على الله
أنـا وإياج
إن شاء الله تكون قصة مصرقعة

maha said...

أشجع
أشجع و بقوة

أصفق للفكرة
و سأصفق بقوة أكبر عند بداية الفصل الأول

اكتبي
و ابتكري
و اكتشفي ذاتك

سعيدة جداً لهذا القرار


نحن بالإنتظار
^_*

chatterbox said...

نوف:
لوووووول فجر السعيد عاد
مشكورة عالتشجيع :)


متفرغ:
اي تعطون رايكم وانا راح اختار من هالآراء واكمل القصة على اساسه
يعني راح نكتب القصة مع بعض :)
ومشكور:)


كويتية:
مشكورة وماتقصرين وانطر مشاركتج :)



waad:
:) ويوفق الجميع
ومشكورة


طائر:
نعتها بالسخف حتى اوفر على نفسي الفشلة لو احد ثاني قال عنها سخيفة :))
تشجيعك يسعدني ومشاركتك تسعدني اكثر :)
مشكوووور


بحرانية:
تسلمين وطبعا وجودكم معاي اهو اساس القصة :)


علي:
لوووووووول اشوة مو بس آنا :)
احيانا اكون فعلا مجنونة:)
ومشكور وحياك الله:)


كظماوي:
لووووووووووول مسكين البطل ليش حاقد عليه؟؟:)
لا ماراح اخليها على طول
يعني راح اظل اكتب بوستات عن مواضيع ثانية وكل ما اكتبت جزء انشره
انشالله :)



بفضفض:
متشكرة خالص وبستنى مشاركتك معايا :)



سعلوة:
لان الفكرة يديدة لازم اصير مترددة
وكلنا راح نبدع مع بعض يعني ردود الناس اهي اللي راح تحدد احداث القصة
ولا تخافين ماراح اتحطم لانكم معاي :)
لوووووووول عجبتني واثقة لحد الموت بنفسها
واحتراماتي :)


ماشي:
مطول الغيبات ........ :)
لووووووووووول اكيد مصرقعة
و نتأمل مشاركتك :)


مها:
تشجيعك يسعدني بقوة خصوصا وانت كاتبة رائعة :)
.
.
بل سنصفق معا لنا جميعا :)
وانتظر مشاركتج:)

SILVER RAIN said...

شناااااااااطراااااااةةةةة؟؟؟؟؟؟؟؟؟


يلا ننطر التنفيذ بفارغ السبر

^_______^

بالتوفيق يااااااارب

Ahmed Shokeir said...

شدى حيللك .. وفكرتك هايظهر قبولها أكتر بعد الممارسة .. وكلام سعلوة مظبوط

بس المهم ده مايلغيش بوستاتك المعتادة

Diver said...

ما راح نحكم عن شي ما جربناه عشان جذي توكلي على الله و خلينا نجرب يمكن تكون تجربة تفيدنا

SAJA.S said...

Go Girl GO
انا معاج من الاول ... واذا كانت ردودي متأخره ... راح اقولج سر
بما اني من سكان جنوب السره فما عندي خط تلفون فأنطر اروح بيت اهلي علشان اشوف بلوقي
او اذا فظيت بالدوام اشبك ... بس هذا نادرا

chatterbox said...

ms.milk:
بعد كل هالتشجيع طبعا
i will do it
وشكراااا


ليالي:
thank you :)


silver:
و انا انتظر مشاركتم :)
والله يوفق الجميع انشالله


احمد:
وانتوا شدوا حيلكو معايا وكلام سعلوة مظبوط مية المية :)
وده اكيد مش حيلغي البوستات العادية :)



diver:
انشالله نستفيد كلنا وصح كلامك خل نجرب اول وبعدين نحكم :)


smile:
مشكلة جنوب السرة مشكلة بس انشالله تنحل قريبا :)
وعلشانج راح نطول بين كل فصل والثاني على ماتروحين بيت اهلج :)
وسرج في بييييييير لووووول

Anonymous said...

شو هذا الموقع يا شباب

Anonymous said...

شو هذا الموقع يا شباب

وين الله قاطني
انا