Tuesday, March 28, 2006

off the record




الديوان وماأدراك ما الديوان؟؟
سجلت في ديوان الخدمة المدنية من شهر 4 السنة اللي طافت ولان ماعندي واسطة لي الحين قاعدة انطر
.
المهم
.
.
اعرف شخص قدم عالديوان شهر 11 السنة اللي طافت يعني اخر فترة تسجيل
انزين .....
وقبل اسبوعين تقريبا نزل اسمه مع المقبولين في وزارة الدفاع
.
انزين
.
.
استانس المسكين واهله استانسوا
واهو كان خاطب على اساس يتزوج اول مايتوظف ومسكين راح وبشر عروسته ان خلاص شهر او شهرين واهم متزوجين
وامه استانست وخالته سوتله بوفيه وعزمت الاهل كلهم والبنات راحوا يدورون لهم بدل حق حفلة عرسه
وبعدين راح يراكض يكمل اوراقه والفحص الطبي واوراق تحويل الراتب
وبعدين
.
.
راح يوم السبت هذا عشان يكمل اخر الاوراق وخلاص يعني الشهر الياي متوظف وخالص
دخل عند الموظف والا يقوله اسفين اخوي خلاص مانبي موظفين من تخصصك روح ارجع الديوان قدم اوراقك مرة ثانية من اول ويديد!!!!؟؟؟!!؟؟؟!؟؟؟!؟؟؟!
انصدم المسكين شسوي الحين؟؟؟
مني مناك ..... ماكو شي
عصب وزفهم بس هم ماكو فايدة
ولانهم شافوه ماعنده ظهر ماعطوه ويه كلش ملش
والمسكين راح الديوان يدور اي احد يعرفه او اي احد ضميره يشتغل اشوي
.
.
ماكو احد
اخر شي دش عالموظف مال التسجيل قاله السالفه
جان يطق رقمه المدني بالكمبيوتر جان يقوله
اييييي انت شالوك عشان يحطون فلان الفلاني لان عنده واسطة
اشكره!!!!؟؟؟
حتى الموظف مو خايف ان يقول جذي لان شكلها الواسطة حدها قوية
تتوقعون هذا اللي خذى مكان هالمسكين راح يتهنى بوظيفته؟؟؟؟ انا اقول لأ

23 comments:

AL-3ANAN said...

الكويت كلها ماشية بالواسطة يات على الديوان حتى القطاع الخاص لازم واسطه سأليني أنا
الله يكون بعونه والله

allfollowsome said...

انتم عندكم وسايط انتم كمان

دى كوسة فى الدول العربية كلها بقى

Anonymous said...

whats ur major of study? BioTech majors go directly to Education to teach

chatterbox said...

al-3anan:
مو اقول انا ديرة بطيخ الواحد شسوي:(
الله يكون بعون الجميع


taher:
عندنا وعندكو خير
بس بطيخ مش كوسا :)



anonymous:
شهادتي دبلوم مايقبلوني وزارة التربية عشان اصير مدرسة عندهم وبعدين انا حطيت في الرغبات اكثر من وزارة جان يقولون مايصير تخصصج بس حق وزارة الصحة :(
يله الله كريم نصبر ونشوف :)

kazmawy said...

حسبى الله ونعم الوكيل
والله لو انا مااسكت اسويلهم فضييييحة وايننهم
خل يروح الجرايد ترى يخافون من الجرايد
يخافون من الفضايح
لا يسكت عنهم
شرط باجر ينادونه ويقولو له اسمك ط\اح بالغلط
الله يعينه

Gollum said...

eli 3enda wa96a shakow mnasheb enas .. khal yetwathaf 3ala 6ool

anyways allah e3een ur friend

chatterbox said...

laialy:
اي والله ويعين امه بعد مسكينة ضاق خلقها حدها :(



كظماوي:
تصدق نفس الكلام انا قلتله اياه بس مسكين اهو لي الحين منصدم وراح يدورله واسطة


gollum:
شكله واسطته بالديوان مو بالوزارة
بس يله الله كريم ويقولون الله مايطق بعصى

Anonymous said...

weee wa3alaya 3alaih
ashkara chethee egolonha bel wayh?! nakkedaw 3al walad 3asa allah enakked 3alehom denya o a5ra

Unknown said...

اول شى ودى اقولج شغله ما احمل فيها الريال الغلط انا ما ادرى شنو تخصصه لكن اللى صاير ان الشباب يدشون المعاهد والجامعة وما يعرفون شنو يتخصصون بعد لعب طويل بالثانوية ومعدل نازل وبعدين يقول ابى وظيفة ما اختلف معاج ان الواسطه موجودة بكل مكان بس لما يكون عندك تخصص مرغوب ومعدل زين وتثبت نفسك حق اللى جدامك انك تستحق يكون لك مكان بس تخصص غير مرغوب ومعدل لك عليه وبالاخير تبى وظيفة هذا لازم ينطر وبينى وبينج شكلج صكيته عين علشان اسمه طلع قبلج :))
بس انشاء الله يلقى وظيفة بسرعة ويتزوج واييب عيال واحفاد ويرتاح

3ateeja said...

السلام عليكم
الله يعينكم ..ولكني اختلف معاج بعدة امور خليني اوضحلج اياها
مشكلة لكويتييين ان كلهم يبون شغل بالحكومه والحكومه بسسسسسسسسسس خلالالالالالالالالالالالاص بتنبط من كثر الموظفين
انتي سمعتي بموظفين من غير مكتب
خليني اشرحلج شغله
تخيلي ان انتي بحجره بروحج ويالج مديرج وقالج شيلي هالطاوله وديها حجره ثانيه قلتي له ثجيله ما اقدر اشيلها بروحي يابلج واحد يشيلها معاج ...ثقيله بس تقدرون عليها يابلكم واحد ثالث شلتوها وانتوا مرتاحين ...لو اييبلكم رابع ..وخامس لين تصيرون اكثر من عشره ...راح تنقلب الطاوله من كثركم ...فالحكومه قالت للي يبي يقلب الطاول استريح في بيتكم واخذ اميه وسبعين للجامعي على ما اظن ...وهم بهالطريقه قاعدين يأخرونج على قلبة الطاوله ..
لأن الطاوله مقلوبه من الاساس
فإذا كنت انتي وقريبج حابين تساهمون في قلبة الطاول ولتسجيل بلوتوثات دوامات دشوا عالوظائف الحكوميه حاليا اما اذا كنتوا تبون صج تشتغلون فعندكم اماكن وايد وتأكدي ان الشغل انتي تسعين له مو اهوه يسعى لج
يعني الاسم مو ينحط بالديوان ..وتالي نحط ايدنا على خدنا ننطر الفرج ...قالها الرسول عليه الصلاة والسلام ان السماء لا تمطر ذهبا ولا فضه
وانا اقولج ان الديوان لا يمطر وظايف
نرجع لسالفة العمل الحكومي
طبعا انا من محبين الشباب ومن الناس المحفزين لهم بشكل رئيسي ...واساسي ..ادري انهم طاقه
بس ليش ما اتوجهون للعمل في القطاع الخاص ..وتقدمون في توطين واعادة هيكلة القوى العامله ...القطاع الخاص مستقبل وظيفي ..بدلات ..وعلاوات تدفعها لج الحكومه
وعلى كثر ما تشتغلين يعطونج
وماكو وسايط لأن هدف القطاع الخاص واااااضح
هدف ربحي يعني اي شي يعرقل ربحه ..يشوته فنقر حتى لو كان منو
www.taleea.com/newsdetails.php?id=7221&ISSUENO=1718 شوفي هاللنك

http://www.mandoubco.com/manpower/Arabic.htm وهذا

http://www.mgrp.org.kw/ وهذا هيكلة القوى

والباجي عليج :)
بالظبط اكثر من نص ساعه واما اكتبلج الكومنت اتمنى جد انج استفدتي ....وترى قريبج وايد مستعيل عالزواج قولي له المره مهي طاااايره ...واذا تبيك تنطرك

Unknown said...

يا حلو عتوجة والله
لا فض فوكى على قولتهم

iliveinq8 said...

3ateeja 100%

SILVER RAIN said...

يايبة آبو الواسطة لابو يد الوسايط .. وقريبج مستعيل وايد نفس ماقالت عتيجة ولو منة شالوني الديوان وحطو واحد بدالي لالعن خيرهم الخير وماسكت عن حقي وايب ام الواسطة الي اتشيلة وسالفة عناد واخليهم يردوني غصب عليهم مو طيب واخذ الوظيفة الي راحت لغيري مو لي واهي من حقي .. وبيدينه يشتغل بالخاص اي شركة تتمناة .. بالحالتين بيتوظف ..^____~

kazmawy said...

ةعتيجة شدعوة سويتيها خطبة
:)
يعطيج العافيه

chatterbox said...

anonymous:
اي والله الله ينكد عليهم بالدنيا بس حرام بالاخرة كيفهم حسابهم عند ربهم :)


mishari:
كلامك صح لان تخصصه مو شي ومعدله مو شي بس اهم اللي نادوه اهو مسكين كان يدري ان تخصصه مو مطلوب وقاعد ينطر ومتوكل على الله وحاط بباله سنة او سنة ونص على ما يتوظف بس اهم اللي حطوا اسمه بالجريدة حتى المسكين ماكان امصدق.
انا عمري ماصقيت احد عين ولا شي حتى اسأل كظماوي لوووووووووووول

لا لا صج والله استانستله وايد الله يوفقه انشالله :)


عتيجة:
كلامج صح 100% وبالنسبة لي انا مقدمة في توطين وخذيت عندهم دورة اسمها دورة الباحث وسويتلي C.V وكل شي وقدمت في شركات خاصة وايد وقاعدة اسوي مقابلات
والحمدلله معدلي زين وتخصصي مطلوب بس الله مو كاتبلي اتوظف الحين يعني الحمدلله اللي علي سويته والله كريم وانشالله الطاولة ماتنقلب علي من كثر ما اراكض ورى هالشركات لووووول
بالنسبة حق صاحبنا المسكين
فهو من الرافضين لفكرة العمل في القطاع الخاص ويقول ان وظيفة الحكومة اظمن يعني تفكيره جذي وعيزت وانا اكلمه بس ماكو فايدة.

ونص ساعة من وقتج تاخذينها عشان تكتبين تعليق في بلوجي هذا شي يسعدني جدا جدا جدا :))

وبالنسبة للزواج فهو مستعيل وايد وصج صج عباله المرة راح تطير لووووووول



mishari:
لوووووول لا فض فوكي عجبتني


i_live_in q8:
صح عتيجة 100% وانشالله صاحبنا يقتنع بعد مايقرى تعليقها

chatterbox said...

hattorihanzo:
ومهما تكلمهم ضميرهم مايصحي
يله حسابهم عند الله

لوووول
راح اعلق مرتين
so i own you another comment :)



silver rain:
تعجبيني لوووول
وانشالله يشتغل بالخاص انشالله


kazmawy:
عالاقل خطبتها مفيدة احسن من الجرايد والموسوعات اللي كانوا يكتبولي اياها لوووول
والله يعطيك ويعطيها العافية

3ateeja said...

الله يعافيكم ويخليكم جميعا
واذا عندي معلومه ليش بالله ما اقولها وافيد واستفيد
بس صج طلعت عيوني :)

الاء سعود المجيبل said...

شكو الديوان ؟؟؟

الوزارة نفسها اللي ردته مو الديوان...الديوان بس عليه ان يعرض الاشخاص اللي طالبين الوزارة المعينة والوزارة نفسها تقبل اللي تبيه وترفض اللي تبيه....:)


ومثل ما قالت لج عتووجه اعادة القوى العاملة وايد زينه ....وعلى فكرة اعادة القوى العاملة تبع الديوان ترى...^___^


موفقين حبيبتي...:)

Diver said...

الأخوان المصريين يقولون(الي ملوش ظهر ينضرب على بطنه) و هذا الي صاير عندنا
المشكلة ان شخص يصيرله جذي يكون من حقه ان يحقد على المجتمع و يمكن يلجأ الي امور تعتبر جرايم
لكن ما نقول الا حسبنا الله و نعم الوكيل

sOulvOice said...

احم احم شاتر تعالي صفي يمي

محسووبتج خريجة من سنة وشهرين وبعدي ناطرة الفرج ,,لا من ديوانهم ولا من القطاع الخاص كله واسطة

ولاعزاء للمثاليين

انا مايبط جبدي الا هالشركات وبعض المؤؤسسات الحكومية اللي تنزل اعلانات واهي امزهبة الاسماء مسبقا ,

ديرة بطيخ خليها على الله وانشالله باجر احسن من اليوم :))


يعطيج العافية

Expatriate said...

عدل كلام مشاري

بالله كلنا ندري ان وظايف الحكومة والترقيات فيها ماشية على الواسطة ، اللي ما عنده واسطة يعتبر داش يغامر ويخاطر بنفسه وبوظيفته لما يفكر بالحكومة.

يا اخي ما عندك واسطة اشتغل واكرف واخذ لك تخصص مطلوب وراح تشوف شلون شركات القطاع الخاص يتلاقفونك .

AL-3ANAN said...

أحب أعلق بس على كلام الأخت عتيجه
أنا كنت اشتغل بالقطاع الحكومي وقدمت استقالتي
والحين قدمت بتوطين وصارلي 4 أشهر قاعده انطر مع العلم اني جامعية وتخصصي مطلوب بكل مكان وعندي دورات كمبيوتر ولغه انجليزية وللحين ماعطوني خبر ولما اتصل عليهم يقولون لي والله اذا في شي بنكلمج
والحين حطيت واسطه علشان اشتغل باحدى الجهات بالقطاع الخاص
واخوي الصغير متخرج هندسة من بريطانيا الحين توظف باحد شركات القطاع الخاص الكبيره بالواسطه طبعا
مع العلم انهم لما رحنا انقدم قالوا لنا احنا موقفيين التوظيف
:) يعني الموضوع كله كوسا
بس أنا بالنهاية اقول الواحد يتوكل على الله بكل شي وانشاءلله الله يفتح له الأبواب حتى لو بواسطة
آسفه على الاطالة

chatterbox said...

lady bug:
اي والله حسبي الله ونعم الوكيل فيهم

وحياج الله :)




3ateeja:
بالعكس حياج الله ويعطيج العافية :)
وحتى انا طلعت عيوني لووووول


q8ya:
عاش من سمع هالصوت :)
يمكن صح كلامج مادري بس ترى حتى الديوان مو امقصرين بالواسطات
والقوى العاملة انا مقدمة عندهم صارلي دهر ولي الحين محد دق علي :(
والله يوفق الجميع



diver:
اي والله في ناس ماتتحمل ولاتفكر سيدة يروح يسوي له شي والا جريمة
الله يستر بس لايكون قرى كلام مشاري وايي يذبحني لوووول
والله كريم انشالله :)


sarah:
اي والله الله يعيني
اول الايام كانت وناسة وطلعة وهياته اما الحين ضيييييييقة خلق وملللل
والمشكلة انا النظام اليديد يقول ان اللي يتوظف بالخاص ينشال اسمه من الديوان بعد 9 اشهر من بداية العمل :(
يعني ناطرين الفرج من الله انشالله
ومشكورة وحياج الله:)



soulvoice-misso:
لوووووووول انتي اللي صفي يمي بس عاد دوريلج مكان زين لان زحمة :)
وبعدين انا ودعت المثالية من زمان يعني من 6 اشهر تقريبا بس يقول المثل المقرود مقرود يعني حتى يوم حطيت واسطة طلعت مو شي ولااستفدت منها
والحين انا خلاص ماعندي جبد عشان تنبط خلاص ماقمت احس ولا قمت استانس ولاقمت ازعل واللي يخرع اكثر اني بديت اتعود على قعدة البيت وشاي الضحى في دوامات رفيجاتي
وانشالله بكره احسن :)

ويعطيج العافية


expatriate:
جان زين ان ودي اشتغل قطاع خاص وصورت من السي في عشرتعش نسخة ووزعتهاعلى كل الشركات والمؤسسات ومعدلي زين وتخصصي نادر ومقدمة في دعم العمالة وفي توطين وماكو لاحس ولاخبر
الله كريم انشالله :)



al-3anan:
اي والله قلتي اللي فيه الفايدة الواحد يتوكل على الله وانشالله الله مايقصر
والله يوفقج انشالله ويوفق الجميع
والبلوج بلوجج طولي مثل ماتبين :)