Tuesday, February 21, 2006

design your desire


على الرغم من ان اكثر الشباب في الكويت بنات او صبيان ماعندهم شغل

وكلمة ابداع وتفكير تعتبر غريبة عليهم

وعلى الرغم من انهم يعانون من الفراغ طوال اليوم حتى واهم في الجامعة او المعهد

وعلى الرغم من ان البنات طول اليوم بالسوق والمطاعم وباجي اليوم يكونون نايمين

والشباب طول اليوم فرارة عالبحر او شارع الحب او بالشاليهات وباجي اليوم هم يكونون نايمين

وعلى الرغم _ خلاص هذي اخر وحدة_ من ان المقارنة بينا وبين الشباب في دول العالم المتقدم تعتبر مقارنة خاسرة من اللحظة الاولى

الا اننا احيانا وعلى فترات متباعدة قليلا نفاجىء بشباب بنات او صبيان يكونون فعلا مختلفين ومميزين نستانس فيهم والمفروض ان احنا كثر مانقدر نشجعهم ونساعدهم
.
اليوم قريت في مجلة ابواب وهي مجلة شبابية باقلام شابة لعقول شابة وهذا شعارهم
عن مجموعة من الشباب وعددهم اربعة شباب وهم طلاب في كلية الهندسة جامعة الكويت افتتحوا لهم شركة صغيرة برأس مال صغير نسبيا, خدمات شركتهم مميزة وجديدة على السوق الكويتي واعتقد ان اماهم مجال كبير للمنافسة على الاقل في الكويت
شركتهم عبارة عن شركة متخصصة لتصميم المواقع الالكترونية والتصاميم الفنية للشركات والوزارات والخدمات
كل هذا يتم بثمانية ايادي كويتية تتمتع بموهبة وحماس وقدرة على التنسيق بين دراستهم في الهندسة وهي تعتبر من اصعب الكليات في الجامعة ومعدلاتهم ماشالله عالية, وكذلك الاهتمام الكامل بتقديم تصاميم مميزة وحديثة مو نفس تصاميم الوزارات او موقع جامعة الكويت او حتى موقع البورصة .
وهؤلاء الشباب هم:
عبدالله الشلبي: 21..هندسة ميكانيكية
جاسم الدعيج: 21 سنة..هندسة كمبيوتر
بدر العقيلي: 20 سنة..هندسنة صناعية ونظم ادارية
عبدالله المشعان: 22 سنة..هندسة صناعية ونظم ادارية
وموقهم هو:ww.hmdstudio.com
والمواقع اللي اهم مصممينها هي:
الله يوفقهم

14 comments:

cozy said...

mashllah 3asallah ewafeg'hom

maha said...

الله يوفقهم
شي حلو :)


:

:

شاتر
صج صج استانست برجعتج لنا

بس نبي تكملة القصة
:)

3ateeja said...

الصراحه ما عجبني كلامج اول البوست وهذا رايي طبعا
عيالنا فيهم الخير وكل شباب لهم شكل وهذا شكل شبابنا
ولا نسيتي بالستينات شلبسوا
وجم بوستيج على روسهم
الله يستر علينا بستره
ولو ان عيالنا اكثرهم ما فيهم خير جان ما شفتي اعداد التطوع الهائله بالدفاع المدني وبالهلال الاحمر << مشرفه هناك وغيرهم ولله الحمد
هالشباب الله يوفجهم
الشباب نعمه وطاقه
واللي ما يعرف يستغلها اهوه العوي مو لعويه منهم :)

نون النساء said...

للأمانة بعض شبابنا صج انشوفهم

مثل القطاوة بالمجمعات لكن حزة الصجية

ما شاء الله عليهم


.
.

وخوش أفكار اطلعت منهم صراحة

الله يوفقهم ويوفق الجميع

kazmawy said...

الله يوفقهم
الشباب فيهم خير
لو يحصلون من يعطيهم ويه

متفرغ said...

الله يوفقهم السالفة سالفة عزوم اذا العزوم موجودة كل شي يتسهل عليهم :)

chatterbox said...

cozy:
اولا حياك الله :)
وانشالله الله يوفقهم :)



مها:
هلا والله :)
وانا مستانسة برجعتي اكثر منج :)
وانشالله الفصل الرابع قريبا جدا جدا:)



عتيجة:
انا بالعكس ماقلت ان مافيهم خير
بالعكس والغزو احسن دليل على انهم ريايل عيال ريايل
بس انا كنت اقصد من الناحية الابداعية
يعني مايفكرون بمشاريع تفيد الديرة او
اللي يفكر منهم مايحاول او يجرب ان يطبق هالفكرة اكثريتهم يعتمدون على وظيفة الحكومة او القطاع الخاص .
يعني اكثريتهم_ مو كلهم _ مالهم خلق حتى بشتغلون ابدواماتهم. هذا كان قصدي
ورايج على عيني وراسي :)


نون:
انا معاج حزة الصجية ماشالله عليهم
وفيهم الخير والبركة والله يوفقهم جميعا.



كظماوي:
مو هذي اهي المشكلة ان الشباب اهني ينطرون احد يعطيهم وي واحد يساعدهم
ما يحاولون ابدا انهم يشتغلون ويتعبون نفسهم شوي.
هذا مو معناته ان انا امسكته لاني انا وحده منهم_من البنات طبعا_ انطر احد يساعدني, يعني عندي افكار مشاريع واييد بس انطر احد يعطيني ويه :(


متفرغ:
انت اللي فاهمني هالمرة :)

جنة الحواس said...

We " مركز النبلاء"

are working with them now for our conference . They are really shegardeya .. Allah ykather men amthalhum . Thanks 4 posting abt them .. They will be happy abt it :)

chatterbox said...

وناسة, صح انا شفت في موقعهم اعلان عن المركز وان اهم اللي امصممين موقع المركز
وناسة صج صج الله يكثر من امثالهم:)
وبالعكس اهم على اللي قاعد يسونه يستاهلون اكثر واكثر:)

على فكرة؟؟!! مركزكم وين صاير وشنو نشاطاتكم؟؟!! جان زين تكتبين بوست عن المركز :)

جنة الحواس said...

مركزنا بجنوب السرة ..السلام
ق 4 ش 23 فيلا 205

نشاطاتنا باختصار عبارة عن تنظيم معسكرات للفتيات .. و معارض و دورات و مؤتمرات للأسرة الكويتية بشكل عام

و تاريخ 12/3 راح نقيم مؤتمر بريجينسي عنوانه
السعادة = حياة - توتر

I'll post abt this next week inshallah
:)

Anonymous said...

thanks o ya36eekum el 3afia,
e9ara7a en9edamt youm shft hl blog .. i was searching eb google then i found this blog ..
thanks for your support ..
o markaz alnubalaa is a great place o watch el commercial about sa3adah conference bl jam3eyat..

bas i want to correct something

el website:
http://www.hmdstudio.com

alnubala website:
http://www.alnubalaa.com (under development)

we are working on 7 other projects including kuwait photography and Kuwait Oil Company.

we will make sure to post the new websites here lama we finish.

for further info contact us on: info@hmdstudio.com

thanks

chatterbox said...

broke:
mashallah
i'll visit you there soon:)
waiting for your post next week

jassim:
so happy to see you here and i realy appriciate it :)
thank you for the correction and the new info about your group.
hope all the best for you
and waiting for further info exclusively post here :)))
thank you.

الاء سعود المجيبل said...

ما شاء الله عليهم عيني عليهم بارده...:)

الطموح حلو...:)

يعطيهم العافيه ...:)

chatterbox said...

اي والله ماشالله عليهم
ويعطيهم ويعطيج العافية :)