لما رديت البيت قعدت طول الوقت ضايق خلقي وقاعدة احسب الساعات والدقايق عشان يصير وقت الهدة واروح آخذها, وقبل الهدة بساعة كنت لابسة ملابسي وطالعة افتر بالسيارة انطرها
المهم
الساعة 12:00 دشيت الروضة عشان اخذها توني واصلة باب صفها والا الخايسة تركض وتلمني حيــــــــــــــــــــل وهم يتني البجية ومن صجي قعدت اعييييط (ابجي), ماتوقعت هالشي عقب اللي صار الصبح, وقعدت تسولف معاي طول الطريج وتضحك ومستانسة ( الحمدلله) قلتلها وناسة المدرسة ؟ جان تقول اي, قلتلها يعني تبين تقعدين على طول بالمدرسة مع اليهال؟ جان تقول لأ انا احبج ابيج كل يوم لما تخلص المدرسة تعالي اخذيني
ماتصدقون اشكثر استانست واتحسفت لان كان عبالي انها ماتحبني, وعرفت ان طبعها جذي مو ان اهي ما تحبني.
بس حتى لو كانت ماتحبني انا احبـــــــها من كل قلبي.
ولايمكن ازعل منها.
6 comments:
يبدو بأن لابنتك قدرة كبيرة على الخداع والمخاتلة فلا أظنها كانت مشتاقة لك عندما ضمّتك إليها وإنما الأرجح بأنها كانت جائعة ومشتاقة للعدوة للمنزل لأكل مالذ وطاب... لازلت أشك بأنها لا تحبك:P
يعني انت مصمم؟ يمكن يكون شكك في محله لكن انا الحمدلله قاعده اسوي اللي علي والله كريم :)وعالعموم حتى لو ماتحبني انا احبها:).
مشاعرك طبيعيه جدا
الحمدلله .كنت اشك اني طبيعية.
شكرااااا
!!يا قلبي عليها
تصدقين قريت البوست الاول والثاني اول شي خنقتني العبره وثاني بوست لا شعوري اتبوسم:))
الله يحفظها لج يارب ويبلغج فيها وبتخرجها من الجامعه وبشوفتها عروس
قولي امين:)
الله يحفظها مبين شخصيتها حلوة واجتماعيه لانها اندمجت مع اليهال من اول يوم وذكيه لانها تعرف حق امها:)
اهم شي الميمة ما تصير حساسه وايد
اكييييييييييد تحبج:)
اشوة يعني حسيتي فيني بصراحة السالفة أثرت فيني وايد بس الحمدلله نهايتها سعيدة. تسلمين وانشالله الله يحفظكم كلكم آميـــــــــــــــــــن .
شخصيتها حلوة وقوية بس المشكلة بالميمة لووووول
Post a Comment